અમેરિકા-ઈરાન તણાવ વચ્ચે શેરબજારમાં ભારે વેચવાલી, સેન્સેક્સ 500થી વધુ પોઇન્ટ તૂટ્યો
મુંબઈ: અમેરિકા અને ઈરાન વચ્ચે વધતા ભૂરાજકીય તણાવની અસર ભારતીય શેરબજાર પર જોવા મળી છે. મંગળવારના કારોબારમાં રોકાણકારોમાં અનિશ્ચિતતા વધતા ભારે વેચવાલી જોવા મળી હતી, જેના કારણે સેન્સેક્સ 500થી વધુ પોઇન્ટના ઘટાડા સાથે ખુલ્યો. જ્યારે નિફ્ટી પણ 150 પોઇન્ટથી વધુ નીચે સરક્યો હતો.
બજારના નિષ્ણાતોના જણાવ્યા અનુસાર, મધ્ય પૂર્વમાં વધતા તણાવને કારણે વૈશ્વિક બજારોમાં નકારાત્મક માહોલ સર્જાયો છે. કાચા તેલના ભાવમાં સંભવિત વધારો અને વૈશ્વિક આર્થિક અનિશ્ચિતતાના કારણે રોકાણકારોએ સાવચેતીભર્યો અભિગમ અપનાવ્યો હતો.
બજારના આગામી રૂખ પર હવે વૈશ્વિક રાજકીય પરિસ્થિતિ, કાચા તેલના ભાવ અને વિદેશી રોકાણકારોની ચાલ પર સૌની નજર રહેશે.
